Mbretëresha e bukurisë braziliane, 21-vjeçarja Vanessa Soares, ndërroi jetë teksa iu nënshtrua një operacioni për të hequr një tumor në barkun e saj.
Vanessa vdiq të mërkurën në mëngjes në Spitalin e Përgjithshëm Roraima në Boa Vista, Roraima.
Një kushërirë e Soares, sipas gazetës G1, tha se fituesja tri herë e konkursit të bukurisë ishte në shtëpinë e saj kur ndjeu dhimbje në zonën e barkut të martën mbrëma dhe vizitoi Urgjencën Cosme Silva. Soares u transferua në Spitalin e Përgjithshëm Roraima, ku teste shtesë zbuluan tumorin pranë mëlçisë së saj.
Sipas Departamentit të Shëndetit Roraima, Soares “kishte një model shumë serioz të hipotensionit dhe hemorragjisë të shkaktuar nga tumoret në bark”.
“Përkundër të gjitha përpjekjeve të ekipit mjekësor, e reja nuk duroi dhe vdiq në agimin e së mërkurës,” shtoi Departamenti i Shëndetit Roraima.
