Vaksina anti-Covid e Pfizer pritet të marrë miratimin e plotë në shtator

Agjencia Amerikane e Barnave dhe Ushqimit (FDA) po synon t’i japë miratimin e plotë vaksinës COVID të kompanisë Pfizer në fillim të shtatorit, shkruan The New York Times.

Gazeta thotë se FDA-ja po përshpejton afatin e saj të zakonshëm pasi Shtetet e Bashkuara po goditen nga një valë e re e infeksioneve dhe shtrimeve në spital të shkaktuara kryesisht nga varianti Delta. Aty citohen sondazhet e fundit nga Fondacioni “Kaiser Family”, një grup kërkimor i kujdesit shëndetësor, sipas të cilit tre nga çdo 10 persona të pavaksinuar në Shtetet e Bashkuara thonë se do ta merrnin vaksinën nëse ajo do të ishte miratuar plotësisht.

LEXO EDHE  Fillimi i vitit të ri shkollor, Manastirliu: Certifikata e vaksinimit e detyrueshme

Pfizer është një nga tre vaksinat e COVID-19 të autorizuara në Shtetet e Bashkuara, së bashku me vaksinën me dy doza nga Moderna dhe versionin me një dozë të prodhuar nga Johnson & Johnson.

Kompania aplikoi për të marrë autorizim të plotë të vaksinës kundër COVID-19 më 7 maj, ndërsa Moderna më 1 qershor.

Po ashtu Johnson & Johnson tha se planifikon të aplikojë për të marrë miratim të plotë më vonë këtë vit.