Partizani lë pas zhgënjimin në Europë, klubi i kuq zbulon datën e nisjes të përgatitjeve për sezonin e ri

Partizani mbylli sezonin futbollistik me skualifikimin në Europë nga skuadra e Bazelit. Të pafat në short ‘’demat’’ që u detyruan të përballen me një skuadër mjaft të fortë dhe me eksperiencë në futbollin europian.

Por, të kuqtë kanë hedhur pas krahëve zhgënjimin dhe ditën e nesërme pritet të nisin zyrtarisht përgatitjet për sezonin e ri.

Me rikthimin e Partizanit në stërvitje, do të rikthehen edhe dy lojtarët e dëmtuar Herald Marku dhe Emiljano Musta. Marku mori një goditje në stërvitjen e fundit para Bazelit dhe mungoi në takimin e dytë kundër zviceranëve. Megjithatë, mësohet se mesfushori nuk ka asgjë serioze dhe do të rikthehet në gatishmërinë e Dajës.

LEXO EDHE  Greuther Furth – Bayern Munchen, këtu mund të shihni ndeshjen LIVE

Ndërsa Emiljano Musta u dëmtua që në sfidën e parë të turit të parë kundër Sfintulit duke marrë një goditje në gju. Goditja ishte e fortë dhe dëmtoi rëndë mbrojtësin e majtë, por fatmirësisht nuk pati dëmtim në ligament. Por, likuidet në gju nuk e lejuan 29-vjeçarin të luajë në sfidën e dytë kundër Sfintulit apo në sfidat kundër Bazelit dhe pritet të jetë i gatshëm vetëm për sfidën e parë të Superiores. Futbolli shqiptar nis më datë 11 shtator.