Një zjarr masiv është regjistruar mëngjesin e sotëm në Vlorë. Vatra ishte shumë pranë ish-depove të naftës në Nartë, ndërkohë që me ndërhyrjen e shërbimit të zjarrfikëses dhe të punonjësve të Bashkisë së Vlorës, u bë e mundur lokalizimi dhe shuarja e flakëve.
Siç shihet nga pamjet e publikuara nga ‘BalkanWeb’ flakët rrezikonin t’i afroheshin ish-depos, por fatmirësisht flakët u arritën që të shuheshin.
Ndërkohë, në një prononcim për mediat, kryebashkiaku i Vlorës, Dritan Leli, i cili monitoroi nga afër këtë proces, pohoi se ka dyshime që ishte një zjarrëvënie e qëllimshme.
