“Dream Team” në finalen e madhe, SHBA dominon edhe Australinë në Tokyo 2020

Një ekip me yjet dhe basketbollistet më të mirë në botë nuk e diskuton finalen e Lojerave Olimpike.

Dream Team ose ekipi i ëndrrave të SHBA, është ekipi i parë finalist në basketboll në Lojërat Olimpike teksa hoqën qafe edhe Australinë në përballjen e tyre në gjysmëfinale në Tokio.

Ashtu siç ndodhi ndaj Spanjës në çerekfinale, skuadra e Popovich zgjohet tepër vonë dhe frikësuan tifozët pasi Australia arriti deri në 15 pikë avantazh në pjesën e parë.

Por me të nisur e dyta, ekipi amerikan nis revanshin jo vetëm duke barazuar por dominon totalisht falë edhe 23 pikëve të Kevin Durant dhe 11 pikëve me 8 asiste nga Jrue Holiday.

LEXO EDHE  Jasir Asani: Partizani do të ngrihet sërish, ja cilët janë rivalët e të kuqve këtë sezon

Asnjë shans për të reaguar për Australinë që duhet të dorëzohet përballë eksperiencës së yjeve të NBA teksa SHBA kalon në finalen e madhe, asnjë arritje e madhe pasi është detyrim për skuadrën që ka, dhe aty do të presë fituesin e duelit tjetër, Francë-Slloveni.