Anti-terrori nuk i mori dot në pyetje, çfarë presin të zbulojnë prokurorët e SPAK nga 5 gratë e riatdhesuara

Një ditë më parë u raportua në media se oficerë të anti-terrorit nuk kanë arritur të marrin në pyetje 5 gratë që u riatdhesuan pak ditë më parë nga kampi Al-Hol në Siri. Nga raportimet mësohet se 5 gratë ndodheshin në gjendje të rënduar psikologjike dhe në kushte të tilla ishte e pamundur që t´i pvrgjigjeshin pyetjeve të oficerëve të anti-terrorit.

Ndërkohë duket se hetimet janë marrë në dorë nga SPAK, që pritet të marrë në 5 gratë e riatdhesuara ditën e diel (1 gusht) nga kampi Al-Hol në Siri drejt Shqipërisë.

Qëllimi është për të zbuluar se kush i ka rekrutuar e i ka dërguar gratë në Siri. Prokurorët e SPAK-ut do të shkojnë në Durrës, ku janë të akomoduar aktualisht gratë e riatdhesuara.

LEXO EDHE  "Shpërthen" ish-ministri: Luli, monument i rëndësisë së veçantë që ruhet nga Qeveria

Prej tyre do të kërkohet informacion mbi personat që i kanë rekrutuar dhe kush i ka financuar udhëtimin e tyre nga Shqipëria drejt Turqisë e më pas në Siri. Ditën e diel u riatdhesuan 14 fëmijë dhe 5 gra shqiptare nga kampi Al-Hol në Siri.

Në mëngjesin e 1 gushtit në Shqipëri mbërritën 14 shqiptarë, 5 gra dhe 9 fëmijë, të cilët u riatdhesuan nga kampi Al-Hol në Siri. Operacioni u përmbyll me sukses duke mundësuar riatdhesimin e tyre në Shqipëri nga të ashtuquajturat “kampe ferri”.

Në kampet në Siri kanë mbetur, sipas raportimeve, rreth 30 shqiptarë, një pjesë e të cilëve referuar deklarimeve zyrtare, mbahen si pengje, dhe nuk lejohet që të dalin nga kampi.