Tokio 2020/ Gara e 3000 metrave, ja në ç’vend renditet Luiza Gega

Përfundon garimi i Luiza Gegës në Lojërat Olimpike të Tokios. Atletja shqiptare mori pjesë sot në garën e 3000 metrave me pengesa.

32-vjeçarja u rendit në vendin e 13-të nga 15 pjesëmarrës, teksa regjistroi kohën (9:34.10), 11 sekonda më shumë se pak ditë më parë kur u kualifikua në finale.

LEXO EDHE  Europa League/ Një shqiptar gjen rrugën e rrjetës, ja të gjitha rezultatet e pjesëve të para

Medaljen e artë e fitoi Peruth Chemutai, atletja nga Uganda. 22-vjeçarja afrikane regjistroi kohën (9:01.45) dhe i dhuroi vendit të saj medaljen e artë.

Në pod u ngjitën edhe Courtney Frerichs nga SHBA (medalje argjendi) dhe Hyvin Kiyeng nga Kenia (medalje e bronztë).