KPA pranoi kërkesën e Operacionit Ndërkombëtar të Monitorimit dhe Komisionerit Publik duke zhbërë kështu vendimin e Komisionit të Pavarur të Kualifikimit, për shkarkimin nga detyra të prokurorit Besim Hajdarmata.
Në vendim thuhet se “Hajdarmataj ka cënuar besimin e publikut te sistemit i drejtësisë në një mënyrë të pariparueshme, për këtë arsye vazhdimi i ushtrimit të funksionit të tij do të ishte i papërshtatshëm. Vendoset shkarkimi i tij nga detyra“.
Kolegji i Posaçëm i Apelimit ka dalë po ashtu në përfundimin se ish-prokurori i Krimeve të Rënda ka mangësi në njohjen e ligjit. Disa nga arsyet e tjera të përmendura nga trupi gjykues ishin pasiviteti në hetimin e çështjeve të rëndësishme si ato të drogës, mangësitë profesionale dhe mos justifikimi i pasurisë.
Më herët, Komisioneri Publik Dariel Sina pretendoi se dy mesazhe telefonike janë dërguar në adresë të një personi të inkrimunuar nga një numër i përdorur nga prokurori. Hajdarmataj e kundërshtoi pretendimin e Komisionerit Publik Dariel Sina, duke pretenduar se numri i telefonit në fjalë nuk është përdorur kurrë nga ai, por i përket një personit tjetër.
Hajdarmataj kaloi me sukses shkallën e parë të Vetingut, por ishte Operacioni Ndërkombëtar i Monitorimit që i rekomandoi Institucionit të Komisionerit Publik ankimimin e vendimit.
