Bashkëshorti i Hueyda El Saied, Thierry feston ditëlindjen dhe artistja i ka dedikuar fjalët më të bukura të dashurisë. Ajo ka publikuar një foto të Thierryt në rrjete sociale, krahas së cilës ka zbuluar dhe detaje nga historia e tyre. Hueyda ka treguar se kanë 9 vite që e njohin njëri-tjetrin, 4 vite të dashuruar dhe 9 muaj të martuar.
“Gëzuar ditëlindjen gjithçka e imja, bashkëshorti im, shpirti im binjak, shoku im më i mirë! Kemi 9 vite që e njohim njëri-tjetrin, 4 vite të dashuruar dhe 9 muaj të martuar, por për mua, 1 jetë nuk mjafton që të të dua çdo minutë.
Gabriel dhe unë jemi me fat që kemi pranë një burrë të zgjuar, shakaxhi, protektiv, me vetbesim, puntor, të pakrahasueshëm, të sinqertë, të kujdesshëm dhe të kultivuar. Je babai dhe burri më i mirë. Ne e dimë që mund të mbështetemi tek dashuria dhe afeksioni yt. Festofsh ditëlindjen më të bukur”, ka shkruar artistja.