Basha publikon foton e Ramës nga helikopteri: Ia hoqi FA për udhëtimet e tij personale

Kreu demokrat, Lulzim Basha, ka publikuar foton e Kryeministrit Edi Rama, i cili shfaqet duke udhëtuar me helikopter, ndërkohë që punonjës të emergjencave dhe FA-ve përballen me zjarret, pa pasur pajisjet e nevojshme.

Basha shpreh mirënjohje për punonjësit e emergjencave civile dhe forcat e ushtrisë që po përballen me flakët përgjatë këtyre orëve të vështira.

“Pamjet që i shfaqin teksa luftojnë me mjete rrethanore janë sa pikëlluese po aq sa indinjuese kur shohim se në të njëjtën ditë, Edi Rama, i heq përballjes me zjarrin helikopterin e ushtrisë, për ta përdorur për udhëtimet e tij.

LEXO EDHE  Iu gjetën 7 kg kok*inë në banesë, ja çfarë e tradhëtoi shqiptarin

Natyrisht, kërcënimi i zjarrit është i kudondodhur në rajon, por nuk ndodh askund që në një moment krize, mjetet e pakta të mpaken edhe më shumë për t’i shtuar privilegjet një individi. Kjo nuk është papërgjegjshmëri, por modeli me të cilin është keqqeverisur dhe varfëruar vendi”, shkruan Basha.

Në vijim ai thekson se prandaj nuk ka fonde dhe mjete për t’u përballur me emergjencat, qofshin zjarre apo tërmete, sepse shteti përdoret si instrument i një pakice që punon për vete, jo për qytetarët.