Ylli i Interit rrit pretendimet financiare, klubi zikaltër pezullon rinovimin

Lautaro Martinez është një nga sulmuesit më të kërkuar të momentit dhe në skenë për të janë shfaqur londinezët e Arsenalit dhe Totenhemit, por edhe spanjollët e Atletikos së Madridit, ndërsa Interi po bën rezistencë.

Për argjentinasin, përveç merkatos, çështje po bëhet edhe rinovimi i tij. 23-vjeçari i ka rritur kërkesat nga 4.5 milionë euro në 7 të tilla, ndërkohë që zikaltrit e kanë lënë pezull të paktën për momentin këtë diskutim. Drejtuesit kanë komunikuar se do të takohen me agjentin e lojtarit vetëm pas datës 31 gusht, kohë që do të përkojë edhe me ditët e fundit të merkatos. Në mendjen e futbollistit me sa duket ka ngelur rroga e ofruar nga Barcelona në muajt para pandemisë, që kapte shifrën e lartë prej 10 milionë eurosh dhe nisur nga kjo kërkesat e tij po vijnë gjithmonë duke u rritur.

LEXO EDHE  Roma rikthehet te fitorja, ndaj Udineses mjafton goli i Abraham

Nga shoqëria ziklatër çdo gjë është e qartë: Nëse nuk do të vijë një propozim që do të kënaqi arkat e klubit, “demi” do të qëndrojë në Milano dhe rinovimi do të vijë vetëm në kushtet e vendosura prej tyre. Me këto ritme kur ende asnjë klub nuk ka bërë një ofertë zyrtare që t’i afrohet vlerës së vendosur për lojtarin, duket se sulmuesi mund të qëndrojë në Itali edhe pa iu rinovuar kontrata aktuale me të cilën përfiton vetëm 2.5 milionë euro, shifër modestë krahasuar me atë që lojtari kërkon.