Teuta është një nga ekipet më aktive në merkato, si në atë hyrëse, ashtu edhe në atë dalëse. Kalimi i Dejvi Bregut në Turqi te Boluspor ka lënë një boshllëk në repartin e avancuar dhe drejtuesit kanë filluar nga puna për afrimin e një sulmuesi. Mësohet se Klubi ka kërkuar shërbimet e Arsenio Valpoort.
28 vjeçari i lindur në Amsterdam i ka dhënë duart qipriotëve të Ermis Aradippou dhe aktualisht është në kërkim të një skuadre të re. “Djemtë e detit” janë optimistë për një marrëveshje të mundshme, e cila mund t’i kënaqë të dyja palët.
Valpoort ka luajtur më parë për skuadra hollandeze si Heerenven, PEC Zzvolle, apo edhe Excelsior. Nuk mund të lëmë pa përmendur edhe përvoja me Ferencvaros dhe Beitar Jerusalem. Futbollisti mund të luajë jo vetëm nga krahët, por edhe në qëndër të sulmit.
Fakti që Teuta është kampione në fuqi në Shqipëri, shton akoma më shumë mundësitë për transferimin.
DENONCO