SPAK mbyll hetimet për dy ish-anëtarët e Kushtetueses, çon çështjen për gjykim

SPAK ka mbyllur hetimet dhe ka çuar për gjykim ish-kryetarin e Gjykatës Kushtetuese, Bashkim Dedja, dhe anëtarin e kësaj gjykate, Fatos Lulo, të rrëzuar nga Vetingu.

Bashkim Dedja, ish-kreu i Gjykatës Kushtetuese dhe Fatos Lulo anëtar i saj, janë vënë nën hetim nga ana e SPAK për fshehje të të ardhurave si dhe deklarim të rremë të pasurisë, ndërsa më herët është vendosur sekuestro dhe ndaj disa pronave të tyre.

Në njoftimin zyrtar të SPAK thuhet se ndaj Lulos dhe Dedjas janë ngritur akuzat për ”refuzim për deklarim, mosdeklarimi, fshehja ose deklarimi i rremë i pasirve, interesave privatë të personave të zgjedhur dhe nënpunësve publikë, pse i çdo personi tjetër që ka detyrimin ligjor për deklarim”, e kryer në formën e deklarimit të rremë.

Njoftimi i SPAK

Fatos Lulo, me detyrë ish-anëtar i Gjykatës Kushtetuese të Republikës së Shqipërisë, i akuzuar për kryerjen e veprës penale të “Refuzimi për deklarimin, mosdeklarimi, fshehja ose deklarimi i rremë i pasurive, interesave privatë të personave të zgjedhur dhe nëpunësve publikë ose i çdo personi tjetër që ka detyrimin ligjor për deklarim”, kryer në formën e deklarimit të rremë, të parashikuar nga neni 257/a/2 i Kodit Penal.

LEXO EDHE  Emri/ E njoftuan se po i grabisnin farmacinë, pronari shqiptar humb jetën nga infakti

Në të njëjtën datë, Prokuroria e Posaçme Kundër Korrupsionit dhe Krimit të Organizuar, përcolli pranë Gjykatës së Posaçme të Shkallës së Parë për Korrupsionin dhe Krimin e Organizuar, kërkesën për dërgimin në gjyq të çështjes penale me nr.137/3 të vitit 2020 në ngarkim të të pandehurit:

Bashkim Dedja, me detyrë ish-Kryetar i Gjykatës Kushtetuese të Republikës së Shqipërisë, i akuzuar për kryerjen e veprës penale të “Refuzimi për deklarimin, mosdeklarimi, fshehja ose deklarimi i rremë i pasurive, interesave privatë të personave të zgjedhur dhe nëpunësve publikë ose i çdo personi tjetër që ka detyrimin ligjor për deklarim”, kryer në formën e deklarimit të rreme dhe të fshehjes, të parashikuar nga neni 257/a/2 i Kodit Penal.