Një zjarr i përmasave të mëdha ka përfshirë një fabrikë në Babrru, aty ku është djegur një pikë grumbullimi për mbetetje e skrapit.
Një shpërthim i fortë është dëgjuar nga zjarri i madh që ka rënë në fabrikë, por fatmirësisht nuk ka njerëz të lënduar, vetëm dëme materiale.
Banorët përreth dhe punonjësit janë evakuar me shpejtësi, ndërkohë që flakët kanë tërhequr vëmendjen e banorëve përreth të cilët ndjekin me kureshtje zhvillimin e ngjarjes.
Fabrika shërben si një pikë e grumbullimit të materialeve të hekurit apo të tjera që përdoren për skrap. Ngjarja ka nisur 60 minuta më parë në rrugën “Dine Hoxha”.
Fabrika është në pronësi të shtetasit F.L dhe nga flakët ka vetëm dëme materiale.
Forcat zjarrfikese po punojnë për shuarjen e flakëve. Në kohën kur ka ndodhur shpërthimi ka pasur prezencë të punonjësve të fabrikës, të cilët janë evakuar menjehere. Në mbështetje të zjarrfikësve kanë ardhur dhe grupe të tjera.
Fabrika ndodhet në zonë të populluar. Familjet janë evakuar nga autoritetet.