Aksidenti i 3-fishtë, plagosen 1 grua dhe 1 fëmijë/ Detajet

Një aksident ka ndodhur mesditën e sotme në aksion rrugor Librazhd-Elbasan, pranë fshatit Xibrakë.

Policia njofton se një automjet tip “Fiat” me drejtues shtetasin T.S., 43 vjeç nga Serbia është përplasur me një “Volkswagen”. Për pasojë është plagosur drejtuesja e këtij të fundit bashkë me fëmijën.

Ata janë dërguar në spital ku ndodhen nën kujdesin e mjekëve jashtë rrezikut për jetën.

“Më datë 03.07.2021, rreth orës 13:35, në aksin rrugor Librazhd-Elbasan, në fshatin Xibrakë , mjeti tip ” Fiat”, me drejtues shtetasin T.S., 43 vjeç, me shtetësi Serbe, është përplasur me mjetet tip “Volksvagen”, me drejtues shtetasin R.M., 31 vjeç, banues në Divjakë, Lushnjë, dhe mjetin tip “Opel”, me drejtues shtetasin E.K., 34 vjeç, banues në Librazhd.

LEXO EDHE  Aksidenti me 6 të plagosur, fëmija 4 vjeç transportohet me helikopter drejt Tiranës

Si pasojë e aksidentit janë plagosur pasagjerët e mjetit tip “Volkswagen”, shtetasja B.M., dhe fëmija i mitur shtetasi L.M., të cilët ndodhen nën kujdesin e mjekëve, jashtë rrezikut për jetën.

Grupi hetimor ndodhet në vendgjarje dhe po punon për zbardhjen e shkakut të aksidentit”, njofton policia.