Shkëndija kërkon të lërë pas dështimin në Europë dhe shkarkimin e trajnerit shqiptar Ernest Gjoka teksa ditën e sotme ka zyrtarizuar në stolin e skuadrës boshnjakun Bruno Akrapoviç.
Një rikthim për Akrapoviç në stolin e tetovarëve që i ka drejtuar dhe më parë në sezonin 2015-2016. 53-vjeçari ka firmosur për një sezon me Shkëndijën me opsion rinovimi për një sezon tjetër.
Lajmin e bëri të ditur vetë faqja e klubit duke i uruar mirëseardhjen boshnjakut. Nën drejtimin e Akrapoviç pesë vite më parë, Shkëndija fitoi kupën e Maqedonisë dhe arriti deri në fazën play-off të Ligës së Europës.
