Zjarr në Kalanë e Beratit, digjet kurora me pisha, zjarrfikëset ngrenë dyshime për zjarrvënie të qëllimshme

Një zjarr është shfaqur pak minuta në parë në Kalanë e Beratit. Zjarri ka rënë në kuroren me pisha, disa metra poshtë Tabes së Kalasë.

Në vendngjarje kanë shkuar forca të shumta të Repartit Zjarrëfikës të qytetit,që në një kohë të shkurtër kanë mundur të vënë nën kontrroll flakët dhe të neutralizojnë zjarrin, duke mos lejuar përhapjen e tij.

LEXO EDHE  "Foltorja, shansi i fundit për lidership bashkues", Maliqi: Protesta për rrëzimin e oligarkisë

Zjarri nuk ka shkaktuar dëme për shkak të kapjes në kohë dhe neutralizimit të tij të shpejtë. Burimet nga zjarrëfikësit në vendngjarje kanë hedhur dyshimet për një zjarrëvënie të qëllimshme, ndërkohë që po punohet për zbardhjen e plotë të shkaqeve të zjarrit në një zonë shumë të frekuentuar nga turistët.