Rama i dha truallin Veliajt/ Aleanca për Teatrin tjetër padi në SPAK, ja çfarë kërkohet

Aleanca për Teatrin ka depozituar një tjetër padi në SPAK për çështjen për Teatrin.

Padia e depozituar sot vjen pas kalimit në pronësi të truallit të Teatrit nga Qeveria te Bashkia e Tiranës.

Avokatja Adriana Kalaja kërkoi të zbatohet vendimi i Gjykatës Kushtetuese për pezullimin e punimeve.

“Kërkuam marrjes e masës së pezullimit për VKM dhe ligjin special. Kërkesa jonë ishte legjitim. Presim që SPAK të marrë hapin e duhur duke vendosur sekuestro mbi truallin.

Konstatojmë me keqardhje që nuk ka asnjë reagim nga SPAK në lidhje me një takim që ne kemi kërkuar për të marrë informacion të detajuar se ku ndodhet procedura për hetimin e dosjes së Teatrit.

LEXO EDHE  Tërmeti në Kretë/ Të përlotur banorët largohen nga shtëpitë e tyre (Video)

Shikojmë një arrogancë në sjelljen e SPAK. E shikojmë këtë si një rreshtim në krah të zyrtarëve që kanë shkelur ligjin. Ne do vendosim drejtësinë për teatrin kombëtar. Në sheshin e Teatrit Kombëtar do ndërtohen ato godina që kanë qenë. Kjo është kërkesa. Ne presim se fakti që vijmë dhe trokasim sërish në këto dyer tregon se kemi besim që çështja e Teatrit do të zgjidhet”, u shpreh Kalaja.