E ardhmja e Hoxhës në udhëkryq, zbulohet skuadra që kërkon gardianin e Partizanit

Alban Hoxha mund të largohet nga Partizani. Kapiteni i të kuqve ka një ofertë konkrete nga Arabia Saudite dhe mund të transferohet gjatë kësaj merkato vere.

Skuadra Al-Faisaly Harmah që drejtohet nga Paolo Tramexani, ish zv.trajneri i Kombëtares shqiptare e kërkon me ngulm Hoxhën.

Tekniku italian e njeh mjaft mirë portierin pasi kanë punuar së bashku te Kombëtarja shqiptare disa vite më parë kur trajneri ishte De Biasi.

LEXO EDHE  Milan me dy mungesa të rëndësishme për sfidën ndaj Bolognas

Tramexani është i bindur për aftësitë e Hoxhës e për këtë arsye u bërë të ditur drejtuesve të klubit se e dëshion me çdo kusht në skuadër.

33-vjeçari ka ende kontratë me Partizanin dhe Al-Faisaly Harmah do të duhet të paguajë kartonin e tij për ta transferuar në skuadër.