VIDEO/ Cikalleshi dhe Vrioni tundin rrjetën, Zhegrova “zjarr” në Zvicër

Sokol Cikalleshi, Giacomo Vrioni, Edon Zhegrova dhe Albion Vrenezi. Fundjavë fantastike për sulmuesit shqiptarë, të cilët kanë shënuar gola ditën e sotme.

Sulmuesi i kombëtares i dha fitoren 1-0 Konyaspor në miqësoren e luajtur kundër Antalyaspor. Cikalleshi realizoi golin e vetëm të takimit në minutat shtesë të ndeshjes pas një pasimi të marrë nga Endri Çekiçi (debutoi me ekipin turk).

Basel arriti një tjetër fitore pas suksesit të dyfishtë ndaj Partizanit në raundin e dytë të Conference League. Ekipi zviceran triumfoi 6-1 në shtëpi kundër Sion.

Tre pikë më shumë në kampionat për Basel, që arriti fitoren e dytë radhazi. Golin e gjashtë e realizoi Edon Zhegrova. 22-vjeçari i Kosovës finalizoi bukur një kundërsulm të shpejtë të ekipit të tij, teksa dhuroi edhe dy asiste.

LEXO EDHE  Derbi Tirana-Partizani, ja sa bileta janë shitur deri tani

Giacomo Vrioni shijon golin e parë në kampionatin austriak. Sulmuesi kuqezi u huazua nga Juventusi te Tirol. Sot ktheu në gol një penallti në minutat shtesë të pjesës së parë.

Tirol e mbylli në barazim 1-1 sfidën jashtë fushe me Austrinë e Vienës, duke ia dalë të marrë një pikë falë goditjes së saktë të sulmuesit 22-vjeçar.

Feston edhe Albion Vrenezi në Bundesliga 3. Sulmuesi dardan u transferua muajin e kaluar te Türkgücü München. Sot shënoi golin e parë (10′) në barazimin 2-2 shtëpiak kundër Hallescher./abcnews.al