VIDEO/ Aksidenti me 6 të plagosur, një nga makinat drejtohej nga një 16-vjeçar

Gjashtë persona kanë përfunduar në spitalin e Fierit mesditën e sotme, pas një aksidenti në aksin rrugor Fier-Seman, në vendin e quajtur Fermë-Çlirim.

Ajo që është për t’u shqetësuar ka të bëjë me një nga shoferët e automjeteve të përfshira në aksident. Bëhet fjalë për një 16 vjeçar me inicialet I.I. Rikujtojmë se mosha e lejuar për të marrë një leje drejtimi në Shqipëri është 18 vjeç.

Siç shihet nga pamjet e tranmetuara nga Fax News, automjeti tip Benz që drejtohej nga i mituri ka përfunduar në kanal dhe ka marrë dëmtime të shumta.

LEXO EDHE  Frrok Çupin se mbajnë nervat, flet në emër të popullit dhe braktis emisionin

Njoftimi i policisë:

Fier

Informacion paraprak

Sot rreth orës 14:30, në aksin rrugor Fier-Seman, në Fermë-Çlirim, janë përplasur automjetet tip “Benz” dhe “Volksëagen” me drejtues përkatësisht shtetasit I. I., 16 vjeç, dhe V. H., 61 vjeç, e për pasojë janë dëmtuar 2 drejtuesit e mjeteve dhe katër pasagjerë të cilët ndodhen në spitalin e Fierit nën kujdesin e mjekëve.

Grupi hetimor ndodhet në vendngjarje dhe po punon për zbardhjen e rrethanave të aksidentit.