Tirana argëtohet në miqësore, fiton 7-0 ndaj klubit të Kategorisë së Parë

Përgatitjet e Tiranës për sezonin e ri kanë vijuar sot me një miqësore që bardheblutë e drejtuar nga Orges Shehi kanë luajtur në Pogradec, ku janë grumbulluar prej një jave.

Skuadra bardheblu ka mundur në miqësoren e sotme ekipin e Maliqit me shifrat 7-0, duke treguar se lojtarët janë në gjendje të mirë fizike e përtej kësaj, kanë edhe nuhatjen e golit në këtë pikë të sezonit.

Gjithçka ishte e thjeshtë edhe falë golit të shpejtë të Halilit, që në minutën e 3-të, ndërsa më pas Hoxhallari dyfishoi rezultatin me një penallti. Toli çoi në 3 numrin e golave, kurse në vijimin e ndeshjes u bë protagonist sulmuesi 21-vjeçar Mario Beshiraj.

LEXO EDHE  Gazeta gjermane shpërthen pas ‘Topit të Artë’: Zgjedhje skandaloze! Lewandowski vetëm i dyti

Ky i fundit tundi tre herë rrjetën në këtë miqësore, ndërsa edhe Gjumsi shënoi në portën e Maliqit, duke bërë që i gjithë takimi të mbyllej me rezultatin 7-0.