Java që nis nesër konsiderohet si më e nxehta për Mesdheun. Paralajmërimi jepet edhe nga wather.com, që paralajmëron se një tjetër valë e nxehti pritet të kalojë në zonën e Mesdheut gjatë javës që vjen.
Weather.com shkruan se kjo valë pritet të shkaktojë temperatura deri në 50 gradë. Kjo do thyejë rekordin e të nxehtit në rajonin e Mesdheut, të shënuar në vitin 1977.
Ekspertët paralajmërojnë se ekziston një rrezik më i madh, ai i zjarreve dhe i problemeve shëndetësore.
Vala e të nxehtit që pritet të prekë disa vende quhet “Shiroku”, e cila sjell erë nga shkretëtira e Saharasë.
Nga e diela pritet rritja e temperaturave në vende si Shqipëria, Italia, Maqedonia e Veriut, Greqia, Turqia, Bullgaria dhe Rumania.
Kjo valë të nxehti do zgjasë afërsisht një javë, derisa të vijnë rryma më të ftohta për herë të parë pas shumë kohësh.
