Trofeu i parë i sezonit në Francë është për Lille. Kampionët e Francës tregojnë edhe një herë se janë ata ekipi për t’u mposhtur edhe pse përballë kishte një PSG të paplotë me yjet në Superkupën e Francës, të cilën e fituan 1-0.
Për më tepër Lille nuk ishte me trajnerin që e shpalli kampion por me Gouvernecc dhe ia doli që të fitonte përballjen ndaj PSG, e cila u luajt në Izrael në “Bloomfield Stadium”.
Për PSG, mungonin yje të kalibrit si Neymar, Mbappe, Paredes, Verratti, Ramos, por ndërkohë kishte në fushë Hakimin, Icardin, Herrera e Draxler të cilët nuk arritën të bënin asgjë.
Goli deçiziv u shënua nga mesfushori Xeka me asist të Yilmaz, dy lojtarë shumë të rëndësishëm të sezonit të kaluar që konfirmohen sërish me kampionët e Francës.
Për Lille është trofeu i parë në histori i Superkupës së Francës duke thyer mallkimin pas dy finaleve të humbura, e fundit para 10 vjetësh ku në 2011 u mundën nga Marseille 5-4.