Kejvina Kthella prej disa ditësh ndodhej me pushime në Bodrum të Turqisë. Papritur vendi u përfshi nga flakët, të cilat u përhapën me shpejtësi dhe të gjithë pushuesit u detyruan të largoheshin menjëherë për t’i shpëruar ndonjë situate tragjike.
Fatkeqësisht flakët ju kanë marrë jetën disa personave dhe disa pushues janë evakuuar nga resortet në të cilat po qëndronin.
Këtë situatë të frikshme e ka përjetuar edhe modeja Kejvina Kthella. Teksa vendi u përfshi nga flakët këngëtarja serbe, Jelena Karleusa, e cila rastisi në të njëjtin vend me bionden seksi, ka filmuar Kejvina Kthellën në momente paniku. Në disa momente, ajo shihet e frikësuar dhe fillon duke qarë, ndërsa i dashuri e ngushëllonte dhe mundohej ta qetësonte.
Video e publikuar nga Jelena Karleusa ka zbuluar edhe imazhin e partnerit të ish-velinës, e cila deri tani është munduar që ta mbajë të fshehur. Megjithatë emri i tij nuk bëhet ende i ditur.
Pak minuta më parë, Kejvina ka vendosur të mbyllë për një kohë të pacaktuar adresën e saj në Instagram dhe të qëndrojë në heshtje e larg lajmeve që qarkullojnë për të dhe partnerin e saj.