I shpallur në kërkim nga Interpol, arrestohet në Gjermani 30-vjeçari shqiptar/ Detajet

Një 30-vjeçar, i shpallur në kërkim ndërkombëtar nga Interpol Tirana, është arrestuar nga autoritetet shqiptare, me qëllim ekstradimin drejt Shqipërisë.

Sipas një njoftimi zyrtar, autoritet gjermane arrestuan në Gjermani shtetasin shqiptar D.V, 30 vjeç, banues në Sarandë.

Shtetasi D.V, ishte shpallur person në kërkim ndërkombëtar nga Interpol Tirana, pasi Gjykata e Shkallës së Parë për Krimet e Rënda Tiranë, në vitin 2019, ka caktuar masën e sigurisë “Arrest në burg”, për kryerjen e veprave penale “Prodhim dhe shitje e lëndëve narkotike”, “Grup i strukturuar kriminal” dhe “Kryerja e veprave penale nga grup i strukturuar kriminal”.

LEXO EDHE  Osmani takon kryeministrin holandez: Kosova i ka plotësuar kushtet për liberalizimin e vizave, Serbia po prodhon tensione të panevojshme në rajon

Përmbledhje e ngjarjes së ndodhur:

Më datë 21.11.2018, Drejtoria Vendore e Policisë Gjirokastër ka sekuestruar rreth 30 kg lëndë narkotike canabis sativa, sasi kjo e përgatitur për t’u trafikuar për në Greqi.

Në këtë aktivitet kriminal rezulton i implikuar edhe shtetasi D.V, i cili në bashkëpunim me persona të tjera ka kryer veprime aktive për gjetjen e lëndës narkotike dhe përgatitjen për trafikimin drejt Greqisë.

Shtetasi D.V është ekstraduar drejt Shqipërisë nga Interpol Tirana dhe i është dorëzuar Drejtorisë së Burgjeve.