Ish-konkurrentja më e komentuar e “Për’puthen”, Ana Lleshi po përflitet kudo se ka nisur një njohje të re.
“Prive” raportoi ditën e djeshme se ajo është në proces njohjeje, që pritet të konkretizohet së shpejti. Pa kaluar ende shumë orë nga dalja e këtij informacioni, është mësuar se cili është djali, që ka fituar zemrën e Anës.
Faqja “Vipat e Bllokut” ka publikuar një video, në të cilën Ana shihet duke pushuar në bregdet me një ish-konkurrent të “Për’puthen”, Elton Maksutin. Ata të dy shfaqen shumë të afërt me njëri-tjetrin, teksa Eltoni i dhuron dhe një puthje në ballë Anës.
Kujtojmë se pas daljes së bujshme nga “Për’puthen”, ku Arjoni publikoi një foto në shtrat me Anën dyshja u përjashtuan nga emisioni dhe më pas Ana nisi një lidhje me një tjetër ish-konkurrent, Arsimin. Por marrëdhënia mes tyre nuk zgjati shumë dhe ata u ndanë brenda pak javësh.