Gentjan Muça është rikthyer te Tirana pas aventurës së shkurtër me Prishtinën. Mbrojtësi kryeqytetas është larguar nga kampionët në fuqi të Kosovës vetëm pas një sezoni. Të dy klubet kanë dalë pak minuta më parë me një deklaratë për shtyp në lidhje me të ardhmen e Muçës.
Nëpërmjet një postimi në faqen zyrtare, klubi prishtinas ka njoftuar ndërprerjen e bashkëpunimit me 34-vjeçarin, teksa nuk ka munguar dedikimi special për Muçën.
NJOFTIMI I TIRANËS:
Përjetë bardheblu!
Gent Muça, rikthehet në kryeqytet dhe pas takimit me presidencën arriti dakordësinë për të qënë sërish pjesë e skuadrës. Ish zëvendës kapiteni aq i dashur për publikun dhe shokët e ekipit vjen në familjen e tij dhe shprehet i lumtur që do të luajë sërish për fanellën më të bukur në botë.