Eshtë vetëdorëzuar në komisariatin e Policisë në Lushnje, Kastriot Hasalla, i shpallur në kërkim për vrasjen e kushëririt të tij, Romeo Hasallës, dy ditë më parë.
Burimet shpjegojnë se ai ështe dorëzuar pas tentativave dhe ndërmjetësimit të policisë.
Kujtojmë se ngjarja e rëndë ndodhimëngjesin e 29 korrikut në fshatin Garunjas ku pati një konflikt për një sipërfaqe toke. Pasditen e ditës së krimit u arrestuan nga policia, vëllai i Kastriotit, Afrim Hasalla dhe nipi Marjus Hasalla.
Romeo Hasalla kishte vetëm dy ditë që kishte ardhur nga Greqia dhe ishte baba i dy fëmijëve. Familjet ishin në konflikt të vjetër për pronën teksa rezulton se viktima me autorët ishin kushërinj të largët.