VKM-ja për Teatrin/ “Aleanca” thirrje për reagim ambasadores Kim: Nuk i bën përshtypje shkelja e ligjit shqiptar!

Pjesëtarë të grupimit “Aleanca për Mbrojtjen e Teatrit” zhvilluan këtë pasdite një protestë simbolike pranë truallit të Teatrit Kombëtar, që me VKM, Qeveria ia kaloi bashkisë.

“Aleanca për Mbrojtjen e Teatrit” u shpreh kundër vendimit, që e cilësoi një të paprecedentë.

Regjisori dhe aktori Edmond Budina, në një deklaratë për mediat u shpreh se mafia e ka zaptuar vendin.

“Kjo është e paprecedentë, të shkelësh me këmbë një vendim të Gjykatës Kushtetuese vetëm një shtet mafioz, fashist mund ta bëjë këtë gjë. Këtu gjërat nuk janë të rastësishme”, tha ai.

Budina i bëri apel ambasadores amerikane të reagojë për ccështjen. Reagim kërkoi dhe nga opozita, Presidenti e qytetërët.

“Ambasadores i bën përshtypje një deputet i zgjedhur nga populli dhe nuk i bën përshtypje shkelja e ligjit shqiptar. Ne do ta vazhdojmë luftën tonë për drejtësi kudo. Unë i bëj thirrje qytetarëve shqiptarë që të mos heshtin në këtë shkelje të rëndë të demokracisë në Shqipëri. Të ngrihemi kundër kastës fashiste. I bëjmë thirrje opozitës të mos heshtë për këto probleme të mëdha. I bëj thirrje Presidentit të reagojë. Kam një thirrje të veçantë për anëtarët e Gjykatës të cilët morën vendim shumë të saktë: të nderuar gjyqtarë, ju që morët këtë vendim të drejtë a jeni akoma të bindur se ky shtet ju ka vënë priftërinj dhe ju rruan mjekrën?! Përpara nuk shkohet duke shkelur ligjet e vendit. Jemi këtu për të mbrojtur Kushtetutën”, tha Budina.

LEXO EDHE  Bumçi thirrje Bashës: Bëhu pjesë e zgjidhjes, nuk të ndjek më njeri