Dy pronarë lavazhi në Angli, njëri nga të cilët shqiptar, janë burgosur për keqtrajtimin dhe shfrytëzimin e punëtorëve rumunë.
Defrim Paci, nga Windmill Close, Sutton-in-Ashfield dhe Sitar Ali u mbyllën në qeli nën akuzën e skllavërisë moderne, pasi të dy ata sillnin nga Rumania në Angli shtetas rumunë për të punuar me orë të zgjatura dhe me pak para. Në gjykatë rumunët treguan se kushtet e punës ishin çnjerëzore dhe kishin pësuar djegie nga lëndët kimike të përdorura gjatë larjes së makinave.
Defrim Paci u dënua me 45 muaj burg, ndërsa bashkëpunëtori i tij Ali me 39 muaj burg. Defrim Paci udhëhoqi këtë sipërmarrje kriminale duke skllavëruar punëtorët në lavazhin e quajtur ‘Shiny’ ne Warwick Road gjatë një periudhe 15 mujore.
Dëfrim Paci (majtas). Sitar Ali (djathtas).
Katër punëtorët rumunë, të cilët nuk janë identifikuar për arsye ligjore, janë të moshës 49, 34, 32 dhe 21 vjeç.
Burimi: nottinghampost
DENONCO