Përplasja Berisha-Kim, kush do e fitojë betejën? Ja çfarë parashikon Nikoll Lesi

Gazeta Koha Jonë me botues, Nikoll Lesin, ka bërë një parashikim lidhur me përplasjen mes ish-Kryeministrit Sali Berisha dhe ambasadores së SHBA, Yuri Kim.

Lesi i njohur për qëndrimet kontraverse, herë në mbështetje të Presidentit, herë në mbështetje të Edi Ramës dhe herë si opozitar, parashikon se çështja do të shkojë në SPAK.

Edhe pse zyrtarisht nuk është publikuar asnjë fakt dhe provë lidhur me vendimin e DASH për të shpallur “non grata” ish-Kryeministrin Sali Berisha, moment ky që shënoi edhe përplasjen e fortë, në artikullin e Koha Jonë thuhet se dosja është në SPAK.

“SHBA nuk e do deputet në parlament ish-liderin e PD-së.

Ndaj deklaratave të saj reagoi zoti Berisha. Ai e cilësoi “një deklaratë fyese për çdo demokrat dhe shqiptar duke iu përmendur barin”, dhe se “në dhunim flagrantë të misionit të saj (ambasadorja) i kërkoi kryetarit demokrat që Sali Berisha të mos futet në parlamenti e ardhshëm”.

LEXO EDHE  Vokshi: E turpshme që Rama i përdor gratë si statistikë

Në mënyrë të prerë ai u shpreh se “asnjë shpifje, trillim apo sajim nuk mund të pengojë kurrë Sali Berishën, të përmbushë misionin që i kanë besuar zgjedhësit shqiptarë”.

Pra të dy tashmë janë në luftë të hapur se kush do të fitojë duelin publik.

Berisha i vetëm dhe pa mbështetje nga kryetari i PD apo ambasadorja amerikane që ka shtetin më të fuqishëm të Botës?

Beteja duket se do kalojë në SPAK.

Dosja e tij, sipas burimeve konfidenciale, po trajtohet me precedencë nga prokurorët e SPAK.

Si rregull amerikanët të paralajmërojnë që “kujdes”. Më pas vepron Drejtësia!”, thuhet në artikullin e Koha Jonë.