Në turin e tretë kualifikues të Konferencë Ligës Laçi do të përballët me Anderlehtin. Takimi i parë do të luhet më 5 gusht, ora 19:00, në stadiumin “Elbasan Arena”.
UEFA ka përcaktuar edhe trupën gjykuese për këtë sfidë, ku drejtësinë e ndeshjes së parë do ta vendosin arbitra spanjollë. Kryesor i takimit është Hoze Maria Sançez, ndërsa ndihmës të tij janë anësorët Raul Kabanjero dhe Hoze Gallego Gracia. Gjyqtar i katërt është spanjolli Santiago Haime Latre.
Takimi do të gjykohet nga një arbitër me eksperiencë në futbollin spanjoll, ku ka arbitruar edhe supersfidën mes Barcelonës dhe Real Madridit. Në karrierën e tij arbitri Hoze Maria Sqançez regjistron 266 ndeshje zyrtare, ku ka treguar se e ka “dorën e rëndë” sa i përket ndëshkimit me kartonë. Në këto 266 ndeshje ai ka akorduar 1535 kartonë të verdhë, 83 kartonë të kuq, si dhe ka dhënë 70 penallti.
