Detaje tronditëse janë zbuluar në lidhje me vrasjen e 31-vjeçares shqiptare në Greqi.
Sipas ekzaminuesve mjekësorë, 31 vjeçarja shqiptare ka 2 lëndime në rajonin e qafës së mitrës, nuk ka shenja të një përleshjeje dhe ndoshta ishte shtrirë në shtrat pa qenë në gjendje të imagjinonte se çfarë do të ndodhte.
Vdekja e saj, sipas indikacioneve të para, ishte nga plagët e marrë nga goditjet me një thikë 28 cm.
Kujtojmë se ky krim çnjerëzor ndodhi të premten pasdite, ku 40-vjeçari, Florand Shehu theri gruan e tij dhe më pas iu dorëzua autoriteteve të policisë.
Ndërsa këtë të shtunë, vrasësi u dërgua në gjykatë, ku mësohet se para trupës gjykuese ai ka qëndruar i heshtur.
Mediet greke raportojnë se shqiptari e ka vrarë gruan me thikën e mishit të lokalit që ai kishte në Athinë. Dëshmitë e fqinjëve të çiftit janë tronditësë. Ata thonë se çifti konfliktonte shpesh dhe se dëgjonin britma nga apartamenti i tyre.
Ata kanë dëshmuar se bashkëshorti vrasës ishte xheloz. Madje disa nga fqinjët kanë dëgjuar gruan fatkeqe, të thotë mes britmash “ndihmë”.
40-vjeçari para një muaj ishte thirrur nga policia pas debateve që kishin, por ata ishin mjaftuar vetëm në një këshillim për çështjen. Viktima u gjet në banesë në një pellg gjaku me shumë shenja thike në trup.
Çifti i shqiptarëve ka një djalë 10 vjeç, ndërsa autori nga Buzi i Tepelenës ka një lokal në Athinë. Para një viti lokali ishte mbyllur për 1 muaj mbas një sherri që çifti kishte bërë brenda biznesit
DENONCO