Flakët kanë përfshirë kodrat në fshatin Mbolan. Zjarri dyshohet se është i qëllimshëm për hapjen e kullotave të reja
Kodrat e fshatit Mbolan në Njësinë Administrative Sinjë në Berat janë përfshirë nga flakët pasditen e sotme.
Zjarri është shfaqur 2 orë më parë, fillimisht në një pjesë kullote dhe për shkak të erës dhe temperaturave të larta është përhapur me shpejtësi.
Në zonë kanë shkuar ekipet e zjarrëfikësve, të cilët po bëjnë të mundur neutralizimin dhe shuarjen e flakëve,edhe pse terreni është tejet i vështirë.
Burime nga efektivët zjarrëfikës në vendngjarje bëjnë me dije se zjarri ka qënë i qëllimshëm,për hapjen e kullotave të reja nga ana e banorëve të zonës.
Të njëjtat burime konfirmojnë se zjarri po vihet nën kontrroll dhe se deri më tani janë djegur rreth 3 ha me shkurre e dëllinja.
