Kosova regjistron 1 viktimë dhe 70 raste të reja me koronavirus

Instituti Kombëtar i Shëndetësisë Publike në Kosovë (IKSHPK) ka regjistruar të premten 70 raste të infektimit me koronavirus pas 2,941 testimeve.

Përgjatë 24 orëve të fundit, është regjistruar një viktimë.

IKSHPK-ja ka njoftuar se më 30 korrik janë shëruar 8 pacientë nga COVID-19, ndërsa raste aktive janë 366.

Prej 13 marsit 2020, kur janë regjistruar rastet e para të infektimit, autoritetet shëndetësore në Kosovë kanë regjistruar 108,273 pacientë me këtë virus.

LEXO EDHE  Rama sulmon BE nga Prishtina: Nuk mbajti fjalën për liberalizimin e vizave me Kosovën

Prej tyre 2,266 kanë vdekur.

Në Kosovë po vazhdon programi i vaksinimit masiv kundër koronavirusit me Pfizer/BioNTech dhe AstraZeenca. Në 24 orët e fundit, njërën nga këto vaksina kanë marrë 12.832 persona. Numri i personave të vaksinuar me të dyja dozat e vaksinave ka shkuar në 137.445, ndërsa shifra totale e vaksinave të dhëna është 413.078.