Deklarata e Yuri Kim/ Edhe Kadilli kundër Berishës: Të ndahemi nga çdo trashëgimi që na kompromenton

Anëtari i kryesisë së PD, Fatbardh Kadilli ka reaguar përmes një postimi në facebook lidhur me deklaratat e bëra sot nga ambasadorja amerikane Yuri Kim, pas takimit me kryedemokratin Lulzim Basha, ku i kërkoi distancimin me Sali Berishën.

Kadilli thekson se PD duhet të shohë nga e ardhmja dhe duhet të ndahet nga trashëgimia dhe nga elementë që dëmtojnë marrdhënien me SHBA.

Postimi i Kadillit:

Deklarim

Është e turpshme që kryetari i Partisë Demkratike vihet me shpatulla pas muri nga Ambasadorja e USA për një çështje që zvarritet prej kohe, për një çështje që bën sikur nuk është.

Është e pafalshme që vendimet e nesërme të jenë në kundërshtim me standardin dhe kërkesat e SHBA, vendit që ka një peshë të madhe në krijimin dhe mbështetjen e Partisë Demokratike.

Është e papranueshme që Kryetari, pas këtij takimi, të kryejë veprime dhe të marrë vendime të detyruara vetëm e vetëm  për të ruajtur karrierën apo karriken, por aspak pse ai beson me sinqeritet  tek aleanca strategjike me SHBA.

Mbërritja në këtë situatë nuk e rrit besimin tek lidershipi i tij por e zvogëlon atë edhe më shumë në raport me shqipërinë, SHBA dhe demokracinë.

Në Kuvendin Kombëtar u bëra thirrje demokratëve “për tu ndarë nga çdo trashëgimi që na kompromenton, që na mban peng. Sado emocione të na lidhin me atë”.

Demokratë të shohim nga e ardhmja.

LEXO EDHE  Përfundon takimi i Bashës me krerët e degëve, ja çfarë u diskutua