50 m stil i lirë, Merizaj e treta në baterinë kualifikuese, por mbetet jashtë gjysmëfinaleve

Nikol Merizaj, një prej dy sportistëve që përfaqësojnë Shqipërinë në garat e notit në Lojërat Olimpike, u eliminua prej konkurrimit në bateritë e disiplinës 50 metra stil i lirë.

Notarja kuqezi u rendit e treta në baterinë e gjashtë kualifikuese, me kohën 26 sekonda e 21 të qindtat.

Megjithë pozicionimin e mirë mes rivalëve të saj, paraqitja e 22-vjeçares nuk mjaftoi që ajo të kualifikohej në gjysmëfinale.

LEXO EDHE  Milan interesohet për talentin e Lazios, pritet nisja e negociatave

Rivaliteti në garën 50 metra stil i lirë për femra ishte shumë i madh dhe kjo mund të kuptohet nga fakti që gjatë kualifikueseve, australiania Emma McKeon vendosi rekord olimpik.