Tre anëtarët e KPK-së, që gjykuan prokuroren e Tiranës, Elisabeta Imeraj, kanë reaguar ashpër ndaj deklaratave të vëzhguesit të ONM, Theo Jacobs.
KPK konfirmoi në detyrë Imerajn, por Komisioneri Publik, me kërkesë të ONM dhe me mbështetjen e Ambasadës amerikane në Tiranë dhe Delegacionit të BE, kërkuan ankimimin e vendimin në KPA.
Në një letër, që mban shënimin si “konfidenciale”, por që çuditërisht ka rrjedhur në publik, Olsi Komici, Roland Ilia, Suela Zhegu i drejtohen kreut të KPK, ku theksojnë se Jacobs ka bërë ndërhyrje jashtë kompetencave dhe ka dashur të influencojë në vendimmarrje.
Gjitashtu tre anëtarët e trupës gjykuese shprehen se janë ndjerë të ofenduar nga sjellja joprofesionale fyese dhe paragjykuese që i ka bërë të ndihen nën presion.
“Trupi gjykues i subjektit Elizabeta Imeraj është shortuar me 17 Shtator 2018. Seanca dëgjimore për këtë subjekt u zhvillua me datën 24.3.2021 ndërsa deliberation u mbyll me datën 25.3.2021.
Në lidhje me organizimin e deliberation ne si trup vëmë ne dukje faktin që gjatë gjithë procedurës në fjalë jemi ndjerë të keqardhur dhe të ofenduar nga sjellja jo profesionale, fyese dhe paragjykuese si dhe në tejkalim të çdo kompetence nga vëzhguesi ndërkombëtar. Qëndrimi paragjykues, fyerjet e shpeshta na kanë bërë që të ndihemi jo komod dhe nën presion.
Me qëndrimin e tij dhe presionin e ushtruar vëzhguesi në mënyrë të përsëritur ka dashur qartazi të influencojë vendimmarrjen. Kjo sjellje bie ndesh me frymën e deritanishme të bashkëpunimit midis Komisionit dhe Operacionit Ndërkombetar të Monitorimit.
Duam të besojmë se ky është një rast i izoluar dhe në asnjë mënyrë një tendencë për intimidim trupi për shkaqe të panjohura. Shprehim besimin e plotë qe raste të tilla që demtojnë procesin e rivlerësimit si dhe bashkëpunimin me ONM të mos përsëriten më”, thuhet në letrën e 3 anëtarëve të KPK.
DENONCO