Tërmet me magnitudë 8.2 në Amerikë, i gjashti më i fortë që ka goditur ndonjëherë kontinentin

Një tërmet me magnitudë 8.2 i shkallës Rihter ka goditur në një zonë të pabanuar, në jug të Gadishullit të Alaskës. Nuk raportohet për të lënduar, ndërsa autoritetet lëshuan paralajmërime dhe njoftime këshilluese për një cunami të mundshëm.

Në orën 22:15 (me orën lokale të së Mërkurës) (06:15 GMT e Enjte), tërmeti tronditi Gadishullin e Alaskës. Shërbimi Gjeologjik Amerikan njoftoi se tërmeti, me magnitudë 8.2, kishte ndodhur në një thellësi prej 46.7 km dhe se epiqendra ishte 91km në juglindje të Perryville, një vendbanim i vogël në gadishull.

Në pamjet e postuara në mediat sociale, sirenat e cunamit dëgjohen pranë zonave të banuara.

Qendra Kombëtare e Paralajmërimit të Cunamit në SHBA lëshoi ​​alarm për cunami. Paralajmërimi u hoq më vonë, por qendra la në fuqi një njoftim këshilluese.

LEXO EDHE  E rëndë/ Aktori i famshëm vr*t kineastin dhe plagos regjisorin gjatë xhirimeve

Qendra e Paralajmërimit të Tsunamit në Paqësor paralajmëroi gjithashtu për një kërcënim të mundshëm për cunami në territorin amerikan të Guam dhe Ishujt të Marianas Veriore.

Tërmeti është më i forti që goditi SHBA-të që nga viti 1965 dhe i gjashti më i fortë që ka goditur kontinentin.