Shtëpi bari, kokainë dhe 200 mijë euro cash, shkatërrohet banda e shqiptarëve në Vjenë

Policia austriake ka shkatërruar një rrjet droge të përbërë nga shqiptarë nga Shqipëria dhe Kosova.

Në pranga kanë rënë 24 persona midis moshës 18 dhe 48 vjeç ndërsa është sekuestruar drogë dhe 200 mijë euro para cash.

Siç raportojnë mediat austriake, rrjeti e kishte shpërndarë biznesin e tyre të drogës në rrethet e Vjenës në Landstrasse, Margareten, Favoriten, Simmering, Meidling, Penzing dhe Brigittenau.

Në Favoriten, për shembull, ata e shisnin lëndën narkotike në pijetore, ndonjëherë në rrugë ose në vetura. Blerësi  hynte në makinë dhe  e bënin shkëmbimin në automjet.

LEXO EDHE  Atentati me 1 vikt*më në Fier, ja si u ekzekutua biznesmeni brenda makinës së tij

Grupit kriminal ju gjet dhe një shtëpi bari me 2,000 bimë narkotike të cilat besohet se do të kishin prodhuar 80 kilogramë kanabis.

Gjithashtu u sekuestruan 3.1 kilogram kokainë dhe 204.000 euro cash.

Tre automjetet që u përdorën për shitjen e drogës janë sekuestruar gjithashtu nga policia.