Partizani-Basel/ Incident me tifozët e skuadrës zvicerane, policia i përzë nga “Elbasan Arena”

Partizani luan në “Elbasan Arena” takimin e kthimit të raundit të dytë të Conference League kundër skuadrës zvicerane, që fitoi 3-0 sfidën e parë.

Një grup i vogël tifozësh të Baselit kanë udhëtuar sot drejt Elbasanit për të ndjekur nga afër skuadrën e tyre të zemrës.

UEFA nuk ka lejuar tifozeri të organizuar mike në këtë ndeshje dhe kjo është arsyeja pse policia ka kërkuar shpërndarjen e grupimit të zviceranëve.

LEXO EDHE  Video/ Atl. Madrid pëson humbjen e parë të sezonit në La Liga

Këta të fundit s’e kanë pritur mirë një gjë të tillë dhe janë përplasur me forcat policore, duke krijuar tension në momentet që priste të fillonte ndeshja.

Gjithsesi, policia ia ka dalë t’i nxjerrë jashtë shkallëve të “Elbasan Arena” grupimin e tifozëve të Baselit.