Godet me thikë ish-bashkëshorten dhe djalin e tij, arrestohet 51-vjeçari shqiptar

Hysen Aliko, 51 vjeç, u arrestua nga policia italiane, pas sulmit me thikë, ndaj ish-bashkëshortes së tij, e cila përfundoi në spital në gjendje kritike për jetën.

Ngjarja e rëndë ndodhi në Sulmona (L’Aquila), ku shqiptari 51-vjeçar tentoi të vriste ish-bashkëshorten.

Aliko u arrestua menjëherë nga policia italiane pasi goditi me thikë gruan, e cila u dërgua me urgjencë në spital ku iu nënshtrua një operacioni delikat, por mjekët janë ende të rezervuar për fatin e saj.

LEXO EDHE  Vrasja e policit/ Gjendet makina e autorit, raportohet se i riu qëlloi ndaj helikopterit të forcave speciale

Pak pas mesnate, 40-vjeçarja u sulmua nga ish-burri i saj teksa po kthehej në shtëpi. Ulërimat e gruas pas dy goditjeve me thikë shkaktuan alarm dhe pas pak mbërritën edhe dy fëmijët e tyre, që u përpoqën të largonin babanë. I plagosur mbeti edhe djali, që gjithashtu shkoi në spital.

Policia ka marrë dëshmitë e të pranishmëve dhe regjistrimet e kamerave. Agresori dhe viktima ishin ndarë prej një muaji me vendim gjykate.