Pas kualifikimit të Teutës, është radha e shtatë skuadrave të tjera shqiptare nga të gjitha trojet, për të zbritur në fushë, në sfidat e kthimit të turit të dytë në Conference League.
Prishtina është thuajse e kualifikuar pas suksesit 4-1 me uellsianët e Connah’s Quay. Më i vështirë misioni i Shkëndijës së Tetovës, që duhet të përmbysë disfatën 2-0 të sfidës së parë me letonezët e Rigas.
Partizani luan me Bazelin ndeshjen e kthimit në Tiranë. Një sfidë luksi ku të kuqtë do të kërkojnë suksesin, edhe pse humbja 3-0 në përballjen e parë jep pak shanse për të synuar përmbysjen e madhe.
Laçi dhe Vllaznia janë ekipet ku shqiptarët kanë shpresat më të mëdha. Në transfertën në Rumani, kurbinasit kanë detyrën të mbrojnë avantazhin 1-0 të ndeshjes së parë me Universitatea Craiova.
Edhe Vllaznia beson se mund të përmbysë humbjen 1-0 të ndeshjes së parë dhe të befasojë qipriotët e AEL Limassol.
Një tjetër sfidë interesante është ajo e Dritës në fushën e Feyenoord, me ekipin nga Gjilani që arriti të frenonte në barazim pa gola gjigandët holandezë në ndeshjen e parë.
DENONCO