Vranë kryefamiljarin në Klos/ Nënë e bijë dërgohen në spital psikiatrik

Detaje të reja kanë dalë në dritë në lidhje me vrasjen e 47-vjeçarit Ylber Lezi nga gruaja e tij Mine Lezi dhe bija e tij Aida Lezi. Sapo është bërë me dije se nënë e bijë janë dërguar në spital psikiatrik. Gjykata e Matit vendosi të pranojë kërkesën e prokurorisë në seancën e masës së sigurisë të mbajtur këtë të mërkurë, për t’i dërguar për kurim.

Fillimisht ato do t’i nënshtrohen edhe ekzaminimeve gjinekologjike në spitalin Rajonal të Dibrës dhe më pas do të transportohen në një nga spitalet psikiatrike të vendit tonë. Kujtojmë se mbrëmjen e së dielës, pas një konflikti nënë e bijë dyshohet se kanë goditur me mjete të forta kryefamiljarin Ylber Lezi, i cili humbi jetën në vend.

LEXO EDHE  ‘Thuaj të hënksha k***’/ Dalin pamjet e rrëmbimit të ‘Mbretit’ të Instagramit (Video+18)

Familja Lezi jetonte në kushte të vështira ekonomike, ndërsa në banesën e tyre mungonte prej kohësh energjia elektrike. Kjo familje kishte dhe një vajzë tjetër, e cila nuk ndodhej në banesë në momentin e krimit, pasi jetonte në Tiranë.