“Tokyo 2020”, peshëngritësi Briken Calja renditet i 4-ti në dygarësh

Peshëngritësi shqiptar, Briken Calja u rendit i 4-ti në dygarësh në peshëngritje në lojërat olimpike “Tokyo 2020”.

Calja, i cili garoi në kategorinë 73kg, e humbi mundësinë për medalje bronzi për vetëm 1 kg.

Në stilin e shkëputjes, peshëngritësi kuqezi, e mbylli garimin me peshën 151 kg, duke u renditur në vendin e 7-të.

Ndërsa në stilin e shtytjes, Calja kaloi me sukses provën e parë me 184 kg, ndërsa në të dytën nuk arriti të ngrejë peshën 188 kg. Në provën e tretë, Calja arriti të ngrejë  lart peshën 190 kg duke siguruar në këtë mënyrë vendin e katërt në Lojërat Olimpike.

LEXO EDHE  Të papërmbajtshëm/ Bayern Mynih ‘shtyp’ Grojther Furthin

Sportisti shqiptar mbylli dygarëshin me 341 kg, duke u mbetur në vendin e 4-t në renditjen e përgjithshme.