“Reporterë pa kufij” dënon dhunën ndaj gazetarit

“Reporterë pa Kufij” dënon episodin e fundit të dhunës policore kundër gazetarit Ergys Gjencaj.

Përmes një postimi në Twitter, organizata për lirinë e medias kërkoi një hetim lidhur me sjelljen e policëve, e cila siç thotë, nuk respekton lirinë e medias.

“Teksa filmonte një operacion policor, gazetari Ergys Gjençaj u ndalua me dhunë, iu konfiskua telefoni dhe u mbajt për një orë në rajon. Reporterw pa kufij kërkon hetim të sjelljes se policëve, e cila nuk respekton lirinë e medias”, thuhet ne reagimin e organizatës në rrjetin social twitter.

LEXO EDHE  Rama, njeriu i Amerikanëve në Tiranë? Ja momentet kyçe kur u mbështet nga Kim dhe Palmer

Shoqata e Gazetarëve Europianë ka reaguar gjithashtu për incidentin duke theksuar se ai është tregues i një qasjeje agresive të policisë ndaj gazetarëve dhe vështirësive me të cilat përballen ata gjatë punës.