Fatos Tushe mbetet në qeli

Pas një seance maratonë, të nisur prej orëve të para të mëngjesit, Apeli i Gjykatës së e Posaçme kundër Krimit dhe Korrupsionit ka vendosur të lërë në burg ish-kryebashkiakun e Lushnjës, Fatos Tushe, i cili u arrestua për korrupsion me tenderat.

Fatos Tushe kërkoi lirinë, me pretendimin se vuan nga disa sëmundje, si zemra, diabeti, gurët në tëmth dhe kolesteroli i lartë.

Vendimi i Apelit të Gjykatës së Posaçme, ka qenë i njëjtë edhe për zyrtarët e tjerë të arrestuar të Bashkisë Lushnjë.

‘Arrest me burg” u dha edhe për 6 të arrestuarit e tjerë, nga të cilët 4 janë zyrtarë të Bashkisë së Lushnjes dhe dy biznesmenë të cilët akuzohen si të përfshirë në tenderin abuziv për rehabilitimin e kanalit ujitës në fshatrat Bishqethëm dhe Bitaj me vlerë 28 milionë lekë të reja.

LEXO EDHE  Merr flakë pylli në Borizanë të Krujës

Ndërkohë, 4 nëpunësit e tjerë të kësaj bashkie do të vijojnë të qëndrojnë në arrest në shtëpi.

Fatos Tushe, u vu në pranga në kuadër të një aksioni antikorrupsion, të urdhëruar nga SPAK. Më 8 korrik, GJKKO dha masën e sigurisë “arrest me burg” për Tushen. Ky vendim u mor një ditë pasi Këshilli i Ministrave e shkarkoi nga detyra e kryebashkiakut të Lushnjes.