E mori peng banda e drogës në Spanjë, shqiptari u shpëton dhe i bën gjëmën. 6 të arrestuar

Policia e Spanjës njofton se ka arrestuar 6 anëtarë të rrezikshëm të një bande që merej me kultivimin dhe trafikimin e drogës

Grupi gjithashtu dyshohen se kanë mbajtur peng një shqiptar, në një vilë në zonën e Valencias. Në hetimin e policisë, një rol kryesor ka luajtur shqiptari, që ka treguar detaje rreth veprimtarisë së grupit.

Ai ka treguar se si arriti të arratisej nga rrëmbimi i tyre dhe të njoftonte autoritetet, se krahas tij, në atë vilë mbahej e torturohej edhe një shtetas tjetër.

LEXO EDHE  Holanda, një “narko-shtet” në zemër të Evropës, nga kartelet shqiptare tek “Mocro mafia”

Pas kësaj dëshmie efektivët nisën menjëherë lëvizjet, duke ushtruar kontrolle në vilën në fjalë. Ato gjetën aty një person të torturuar e dhunuar e që mbahej i lidhur në një karrige.

Në atë vilë, agjentët gjithashtu kanë gjetur edhe plantacione kanabisi dhe sasi të paketuara, gati për shitje.

Anëtarët e bandës, tashmë të arrestuar akuzohen për një sërë veprash penale, duke nisur nga organizata kriminale, kultivimi dhe trafikimi i drogës si dhe abuzim me energjinë elektrike.