David Domgjoni bën hapin e madh në karrierë, transferohet në Superligën e Zvicrës

David Domgjoni vazhdon të bëjë hapa përpara në karrierën e tij. Ditën e sotme ish-lideri i mbrojtjes së Laçit i është bashkuar klubit të Luzern në Zvicër.

Lajmin e bën të ditur vetë klubi zviceran përmes një deklarate në rrjetet sociale. Mbrojtësi vjen pas përfundimit të kontratës me Menemenspor, ku qëndroi për 1 sezon e gjysmë dhe ishte ndër më të mirët.

LEXO EDHE  Meksi: Ndaj Partizanit duhet angazhim i madh, ja objektivi sezonal i Skënderbeut

Tashmë nga Liga e Dytë për nga rëndësia në Turqi, Domgjoni transferohet në ligën më të rëndësishme në Zvicër dhe firmos kontratë për dy vite, deri në verën e vitit 2023.